ඒ ඇතා 1948 දී මිය යාමෙන් අනතුරුව ජේ. ඒ. රඹුක්පොත බස්නායක නිලමේතුමාගේ යුගයේ දී ලියෝ ප්‍රනාන්දු ඇතකු පරිත්‍යාග කළේය. 1956 දී එම ඇතු මිය ගිය පසු කදිරා නම් අලියකු ද කරවිල ප්‍රදේශයෙන් ලද නිසා කරවිලයා නම් ලද අලියා ද දෙවිහාමුදුරුවන් වැඩම කිරීමේ රාජකාරි ඉටු කරන ලදී.

එම අලියා ද මිය යෑමෙන් අනතුරු 1977 දී එවක රජයේ පරිත්‍යාගයක් ලෙස විමලා කන්නන්ගර අමාත්‍යතුමියගේ මැදිහත් වීමෙන් පින්නවල අලි සුරැකුම් මධ්‍යස්ථානයෙන් ඇතකු ලද අතර එම ඇතු වාසනා නම් විය. 2005 වර්ෂයේ දී ශ්‍රී දළදා මාලිගාවේ ඇසළ පෙරහැර මංගල්‍යයේ පෙරහැර කරඬුව වැඩමවීමේ භාග්‍යය ද හිමිකරගත් වාසනා ඇතු වර්තමානයේ ශ්‍රී ලංකාවේ ගෘහස්ති හස්ති සංචිතයෙහි ජ්‍යෙෂ්ඨ සාමාජිකයෙකි. සුවිශේෂී ගතිගුණ වලින් හෙබි මෙම ඇතු 1989 දී කතරගම මහ පෙරහැර එල්ල වූ බෝම්බ ප්‍රහාරයේ දී පවා දෙවිහාමුදුරුවන් සුරැකීමේ කටයුත්ත නොපිරිහෙලා ඉටු කරන ලදී.

වාසනා ඇතුට අමතරව කතරගම මහා දේවාලයට මද්දු හස්තියා ද හිමි අතර තරිදු, සාලිය බානු යන හස්තීන් කිරිවෙහෙර රාජමහා විහාරයට අයත් වේ.

අසේල හස්තියා කතරගම අභිනවාරාමට අයත් වේ.